https://go.oclasrv.com/afu.php?zoneid=1522614

തോമസ് ചാണ്ടി രാജിവെച്ചു

Posted on Posted in Uncategorized

തോമസ് ചാണ്ടി രാജിവെച്ചു.

തിരുവനന്തപുരം: ഏറെ നാടകീയ നീക്കങ്ങള്‍ക്കൊടുവില്‍ പാര്‍ട്ടിയുടെയും മുന്നണിയുടെയും സമ്മര്‍ദ്ദങ്ങള്‍ക്ക് വഴങ്ങി തോമസ് ചാണ്ടി രാജി വെച്ചു. തോമസ് ചാണ്ടി രാജിക്കത്ത് നേരിട്ട് മുഖ്യമന്ത്രിക്ക് കൈമാറിയില്ല. പകരം പാര്‍ട്ടി അധ്യക്ഷന്‍ ടി.പി പീതാംബരന്‍ മാസ്റ്ററാണ് മുഖ്യമന്ത്രിക്ക് രാജിക്കത്ത് കൈമാറിയത്.ഔദ്ദ്യോഗിക വസതിയില്‍ പാര്‍ട്ടി നേതാക്കളുമായി നടത്തിയ കൂടിക്കാഴ്ചക്ക് ശേഷം നേരിട്ട് രാജി സമര്‍പ്പിക്കാതെ തോമസ് ചാണ്ടി ആലപ്പുഴയിലേക്ക് പോവുകയായിരുന്നു. ഔദ്ദ്യോഗിക വാഹനത്തിലാണ് തോമസ് ചാണ്ടി ആലപ്പുഴയിലേക്ക് പോയത്.
പൊലീസ് അകമ്പടിയോടെയായിരുന്നു യാത്ര. തോമസ് ചാണ്ടി ആലപ്പുഴയിലേക്ക് മടങ്ങിയ ശേഷം പാര്‍ട്ടി അധ്യക്ഷന്‍ ടി.പി പീതാംബരന്‍ സെക്രട്ടേറിയറ്റിലെത്തി മുഖ്യമന്ത്രിയെ കണ്ട് രാജിക്കത്ത് കൈമാറുകയായിരുന്നു…

കായല്‍ കയ്യേറ്റ വിവാദവുമായി ബന്ധപ്പെട്ട് തോമസ് ചാണ്ടി മന്ത്രിസ്ഥാനം രാജിവെച്ചു. ഇനിയും മന്ത്രിയായി തുടരാന്‍ താനില്ലെന്ന് ചാണ്ടി വ്യക്തമാക്കി.സ്വകാര്യ വാര്‍ത്ത ചാനലിന്‍റെ ഫോണ്‍കെണിയില്‍ കുടുങ്ങി എ കെ ശശീന്ദ്രന്‍ രാജിവച്ചതോടെയാണ് തോമസ് ചാണ്ടി ഗതാഗതമന്ത്രി സ്ഥാനത്തെത്തിയത്.കേവലം 9 മാസങ്ങള്‍ക്കകം തന്നെ ചാണ്ടി പടിയിറങ്ങുമ്പോള്‍ പകരക്കാരനായി ശശീന്ദ്രന്‍ എത്തുമോയെന്നതാണ് കാത്തിരുന്ന് കാണാനുള്ളത്.കായല്‍ കയ്യേറ്റ വിവാദവുമായി ബന്ധപ്പെട്ട കളക്ടറുടെ റിപ്പോര്‍ട്ടിനെതിരെ ഹര്‍ജിയുമായി ഹൈക്കോടതിയിലെത്തിയെങ്കിലും തോമസ് ചാണ്ടിക്ക് രക്ഷയുണ്ടായില്ല. മാത്രമല്ല ഹൈക്കോടതിയുടെ രൂക്ഷ വിമര്‍ശനങ്ങള്‍ ഏറ്റുവാങ്ങേണ്ടി വന്നതോടെയാണ് രാജി ആസന്നമായത്.സംസ്ഥാന മന്ത്രി തന്നെ സര്‍ക്കാര്‍ തീരുമാനത്തിനെതിരെ ഹര്‍ജിയുമായി വരുന്നതിനെ കോടതി രൂക്ഷമായി വിമര്‍ശിക്കുകയായിരുന്നു.

Leave a Reply

Your email address will not be published. Required fields are marked *